全備學習法(2007年度)學生見証

葉偉康(神託會馬可賓紀念中學)

在「全備學習法」呢個訓練開始之前，自問成績仲可以「見得下人」。
一直到左臨考試之前，我試下用祈禱的方法去溫書及考試。
考試果時有唔識計的數就會話：主呀！陪我一齊做吧。好奇妙地有一條的數就咁樣就俾神教我做到。嘿嘿！仲好過「出貓」。反思過去我考試之前係唔溫書，但經過呢個訓練之後，我發現自己會集中溫書，亦可以溫書溫７粒鐘而唔會分心。所以係呢個訓練可以見證到神在我身上的轉變。

　

Maggie(天水圍青年會中學)

素來家庭關係麻麻地，特別跟媽咪及妹妹的關係。但參加左呢個讀書計劃後，好似好多唔開心野都釋放左！竟然個半月冇同佢地嗌交，仲明顯地乖左，連媽咪都覺得。
在讀書方面就更神奇：上堂竟然專心左，返屋企唔再剩係掛住打機，都會抽時間溫書，結果呢排英文默書經常九十幾或一百分添，勁呀！多謝主！

　

鄧聯如(天水圍青年會中學)

過去時常英文默書都唔合格，無論點溫書都入唔倒腦。
後來參加左「全備學習法」後，有一晚溫英文默書時，我就學習導師教的祈禱方法呼求主，我話：主呀！幫吓我啦！幫吓我啦！竟然第二日默書不但只合格，仲九十幾分添，簡直從來未試過。好開心呀！

　

梁昕翹(何福堂書院)

從來物理科都未試過合格，仲試過只有十四分。
直至參加左「全備學習法」後，臨測驗前一天上物理課時，我就試下導師教的「上帝之手的專注法」，回家後也沒時間溫書，結果第二日測驗時竟然不單只合格，仲有五十幾分添，開心到暈呀！(事後導師鼓勵我要回家溫書也用這專注法，必定會更高分，不要只求合格。)

　

黃靖然(何福堂書院)

參加左「全備學習法」後，最明顯的進步是地理科，我用左導師教的「全腦學習法」來溫地理，結果在測驗時竟然全級最高分，所以梗係會繼續用啦！

　

Alan(邱子田中學)

在「全備學習法」的組長訓練中，認識信仰及經歷神。讀書方面也認真左，不會時常只顧打機，肯跟時間表在屋企溫書！